Ka ndërruar jetë mësuesi nga Hasi, Malë Sylëmetaj.
Ai ishte njëri ndër mësuesit e parë jo vetëm në Demjan, por në tërë Regjionin e Hasit.
Shkrimtari Besim Muhadri shkruan se “mësuesi Malë, për shumë e shumë vite me radhë, që nga fundi i viteve 50-të të shekullit të kaluar, dha kontribut të rëndësishëm në edukimin e gjeneratave të tëra në Demjan e gjetiu në Has”.
“Përveç përkushtimit në punë, ai mbahet mend edhe për pedantëri, si në punë, ashtu edhe në jetën e përditshme”.
“Malë Sylëmetaj, të cilin nuk besoj se ndokush nga Demjani të mos e ketë pasur mësues, ishte ndër mësuesit e parë të Hasit, pas Luftës së Dytë Botërore”, shkruan Muhadri në Facebook.