Zëvendëskryeministri i parë i Kosovës, Besnik Tahiri, ka thënë se ka ndjerë dhimbje në zemër kur e ka parë shtatoren e ish-koamdantit Adem Jashari të vendoset në një qendër tregtare në Prizren.
Tahiri është shprehur se institucionet e Kosovës nuk duhet të lejojnë të përsëriten situata të ngjashme sikurse ajo e vendosjes së shtatores në Prizren, teksa ka bërë thirrje që të merren masa për parandalimin e veprimeve të tilla.
“Zemra më ka dhemb kur e kam parë Adem Jasharin në një qendër tregtare. Unë e dëgjova atë djalin, ai frizer ish, por nuk mundet Adem Jasharin me e qitë ku të do dikush. Nuk guxojmë ne. Kur te vendosim dikë diku, ai është histori. Sidomos një njeri prej të cilit ne e gëzojmë sot lirinë”, ka thënë zv/kryeministrit Tahiri.
https://prizrenpress.com/poliklinika-tirana-medical-center-ne-prizren-ofron-konsultime-falas-nga-distanca/
Në emisionin Infomagazine të Klan Kosovës, Tahiri ka deklaruar se me inciativën e tij do të themelohet një grup punues që merret me vendosjen e shtatoreve.
“Në mbledhjen e ardhshme të qeverisë kam marrë iniciativë që të themelojmë një grup punues që rregullon se ku duhet të vendoset një shtatore. Nuk mund të lejojmë shtatoren e Adem Jasharit të vendoset në qendër tregtare”, ka thënë ai.
Tahiri ka deklaruar se ky grup punues do të parandalojë vendosjen e shtatoreve të heronjve kombëtar në vende të pahijshme, sikurse ndodhi rreth dy javë më parë në Prizren. /Insajderi.org