Drejtuesit e Lirisë përfundimisht kanë vendosur që drejtimin e skuadrës t’ia besojnë Naci Sensoyt.
Lajmin për faqen e klubit e ka konfirmuar, kryetari Qemal Krasniqi.
“Nga dita e hënë ekipit të Lirisë, si shef i shtabit teknik , do t’i prijë Nacii Sensoy. Këto ndërrime janë bërë si domosdoshmëri e momentit, si dhe në koordinim me gjithë strukturat e klubit. Ish shefi shtabit teknik, Skender Shegyli dhe ndihmësi, Sinan Osmani, do të vazhdojnë të jenë pjesë e Lirisë në pozicione të tjera”, ka thënë Krasniqi, duke bërë të ditur se ndërrimet janë bërë para dy ditësh.
“Jemi duke bërë një riorganizim të thellë. Ky riorganizimim, do të jetë nga shkolla e futbollit deri te ekipi i parë. Për sa i takon ekipit të parë, presim edhe sjelljen 6-7 futbollistëve nga Kosova dhe jashtë saj. Por, futbollistët e sjellur këtë herë do të bëjnë dallimin në cilësi, në mënyrë që të përmbushen objektivat e klubit’, ka thënë ai.
Sensoy që vjen me një karrierë të begatë te Liria, beson në suksesin e skuadrës dhe paralajmëron përforcime.
“Kjo është përvoja ime e parë në Kosovë. Do të mundohem që të jap maksimumin. Jemi 9-të pikë prapa liderit, situate është paksa e vështirë, por besoj në përvojën time. Shpresoj shumë edhe në mbështetje të gjerë, pas një riselektimi e riorganizimi dhe sjelljes së disa përforcimeve kualitative dhe me punë, të arrijmë objektivin’, ka thënë ai.
Sensoy, ka punuar në gjashtë shtete si: Turqi, Azerbajxhan, Bullgari, Shqipëri, Serbi dhe Maqedoni.
Në Shqipëri ai ka drejtuar klube si Bylis dhe Kukësi. /Telegrafi/