Deputeti i LDK’së, Haxhi Avdyli, ka thënë në emisionin Pressing në T7 se në LDK i merr vendimet vetëm një grup, përkundër që njerëz tjerë të këtij grupi mbledhin vota.
Ai ka hedhur akuza ndaj udhëheqsisë së LDK’së duke thënë se shfrytëzojnë votat që ua sjellin të tjerët ndërsa caktojnë pozita për njerëzit e tyre.
“Dua të përshëndes Ron Gjinovcin i cili është analisti im i preferuar. E di që të shajnë. Më kanë sulmuar edhe mua. Kam qenë kryetar dege për pesë vite me radhë. I vetmi mëkat i imi është që kam kërkuar reforme. Ajo që po kërkoni edhe ju. Por unë mendoj që ata të cilët kërkojnë një reformë në LDK ata po e donë LDK’në. Nuk e di në Europë ka ndonjë parti apo subjekt ku një grup merr vendime për të gjithë. Kemi një grup tjetër që mund të marrin vetëm pozita dhe një grup tjetër që marrin vendime vetëm për këta. Ky është problemi në LDK. Për këtë arsye kam probleme brenda LDK’së”, ka thënë ai. /Gazeta Express/