Ndeshja jubilare e Granit Xhakës me Arsenalin, nuk ishte me shumë fat. Mesfushori kosovar të martën mbrëma e luajti ndeshjen e 200-të për skuadrën londineze.
“Jam shumë i lumtur, shumë krenar. Të luaj 200 ndeshje për Arsenalin është diçka që më bën shumë krenar”, ka thënë Xhaka për sajtin e Arsenalit.
Arsenali pësoi 2:1 nga Wolves në kuadër të Premier Leagues. Xhaka e kompletoi ndeshjen dhe u ndëshkua me të verdhë. Në 200 ndeshje në të gjitha garat, Xhaka ka 13 gola e 19 asistime.
Ai ka luajtur 140 ndeshje për Borussia Moenchengladbachun dhe 67 për Baselin. Ndërkohë 28-vjeçari ka 85 paraqitje e 12 gola për Zvicrën. Është kapiten i përfaqësueses helvetike.