Kandidati për president nga AAK-ja, Ramush Haradinaj, sot bëri zyrtarisht hapjen e fushatës zgjedhore në Prizren.
Pas kësaj, ai shkoi në Rahovec ku vizitoi Këshillin e Bashkësisë Islame dhe teqet e Sheh Bislimit dhe Sheh Mehdiut.
Haradinaj ka thënë se “bashkëjetesa fetare është vlerë e kombit tonë dhe shembull për të gjithë botën”.
“Pas hapjes së fushatës zgjedhore në shtëpinë e të gjithë shqiptarëve në Prizren, vazhdova për në qytetin e bashkëluftëtarëve të mi, Tonit e Micit në Rahovec. Vizitova Këshillin e Bashkësisë Islame dhe teqet e Sheh Besimit dhe Sheh Mehdiut. Falënderues për mikpritjen e tyre shqiptare. Bashkëjetesa fetare është vlerë e kombit tonë dhe shembull për të gjithë botën!”, ka shkruar ai në Facebook.
