Po vazhdojnë tubimet e partive politike nëpër gjithë Kosovën, por më pas po pasojnë edhe gjobat për thyerjen e masave kundër Covid-19.
Së fundi në Prizren u gjobitën me nga 2 mijë euro dy parti politike, Aleanca për Ardhmërinë e Kosovës dhe Partia Demokratike e Kosovës.
Drejtori i Inspekcionit në Prizren, Edon Muqaj e nisi ditën me publikimin e këtyre gjobave teksa tha se do të jenë të barabartë për çdo subjekt politik.
“Boll ma! P.S të gjitha gjobat do të shqiptohen vetëm me daljen e inspektorëve në vendngjarje dhe jo me anë të fotografive që gjithçka të jetë transparente edhe për subjektet politik”, u shpreh Muqaj.
