Juventus është finalisti i parë i Kupës së Italisë për këtë vit, në pritje të fituesit të duelit mes Atalantës dhe Napolit, kur takimi i parë ka përfunduar 0-0 mes tyre. Inter nuk bëri dot mrekulli në Torino, me ndeshjen që u mbyll 0-0, teksa takimin e parë e kishte fituar Juve 1-2.
Bardhezinjtë kanë menaxhuar ndeshjen e parë në “San Siro”. Në Torino, skuadra e Contes e ka kërkuar golin me ngulm por nuk ka mundur të çajë dot “gardhin” e ndërtuar nga vendasit.
Interi u hodh në sulm në pjesën e dytë dhe madje pati edhe disa shanse. Rasti më flagrant i ndeshjes mbetet ai i Lautaro Martinez në llim, kur pati shansin e artë për të shënuar, por bëri një veprim totalisht të gabuar duke goditur me portën thuajse bosh në drejtim tjetër.