Policia në Shqipëri ka arrestuar një 57-vjeçar nga Kosova, i cili ishte shpallur në kërkim ndërkombëtar nga UNMIK-u për “vrasje e ngelur në tentativë në rrethana rënduese” dhe “mbajtja pa leje e armëve luftarake”.
A.B., banues në fshatin Tërrnavë të Podujevës, u arrestuar gjatë ditës së sotme në pikën kufitare në Morinë.
“Në përfundim të veprimeve hetimore, specialistët e Sektorit për Hetimin e Krimit në Kukës bënë arrestimin provizor të tij, me qëllim ekstradimin në shtetin e Kosovës, mbështetur në “Konventën Evropiane të Ekstradimit” të vitit 1957”, ka njoftuar Policia e Shtetit.