Gjashtë kandidatë për Asamblenë Komunale në Prizren, në zgjedhjet e 3 nëntorit të këtij viti, nuk kanë votur as për vete. Shqipe Xërxa nga Nisma Qytetare për Prizrenin, Sezen Haskuka nga PD-ja, Besim Alishani nga Balli Kombëtar, Miralem Alija nga KAR-së, Barija Saghdati nga CDU, sipas rezultateve përfundimtare të KQZ-së, në këto zgjedhje nuk e kanë marrë asnjë votë. Kandidatja e Balli Kombëtar, Edina Skoro, ndërkaq ka marrë vetëm një votë.
Partia Demokratike e Kosovës(PDK) në zgjedhjet e 3 nëntorit, ka dalë partia me e votuar. Ky subjekt politikë e ka edhe kandidatin më të votuar për Asamblenë Komunale. Alush Shala është kandidati më i votuar në zgjedhjet e 3 nëntorit. Ai ka marrë 912 vota.
Nga radhët e LDK-së, ndërkaq kandidati Xhavit Uka ka dalë më i votuari në këto zgjedhje, duke marrë marrë 830 vota. Uka ka shumë mundësi që të bëhet pjesë e edhe Kuvendit të Kosovës, pasi tre deputet të LDK-së janë zgjedhur kryetar komunash.
Asamblisti më i votuar i AAK është Bujar Nerjovaj. Ai është pjesë e Asamblesë me 551 vota. Në Lëvizjen Vetvendosje! Më e votuara ka dalë Drita Millaku me 249 vota Nga Bashkimin Demokratik në këto zgjedhje më së shumti vota ka marrë Shani Berisha,vëllai i kryetarit të partisë, Zafir Berisha.Ai ka marrë 505 vota. /PrizrenPress.com/