Kryetari i Suharekës, Bali Muharremaj ka njoftuar se rrugët për Javor, Luzhnicë e Greiçevc janë vështirë të kalueshme për shkak të reshjeve të borës.
Përmes një postimi në Facebook, Muharremaj ka thënë se ekipet kanë dalë në terren por që sipas tij, situata atje është mjaft e vështirë.
“Për momentin jemi tek Qafa e Duhlës dhe ekipet janë në teren, por më duhet t’ju njoftoj se rrugët për Javor, Luzhnicë, Greiçevc etj janë vështirë te kalueshme, nga reshjet e fundit të borës. Ne do ta bëjmë të pamunduren që të veprojmë përballë kësaj situate, e cila duket se do të jet e vështirë sonte”, ka shkruar Muharremaj.