Mundo Deportivo raporton se klubi i Barcelona-s po kërkon të marrë një hua prej 500 milionë eurosh, që do i siguronte stabilitet ekonomik, përfshirë edhe pagat, si dhe të ndërmarrë disa investime të nevojshme.
Klubi pritet të marrë lajme lidhur me huan në fundin e këtij muaji. Asambleja e klubit do të mblidhet më 30 qershor , ku do të miratohet edhe buxheti për sezonin e ri. Katalanasit duhet të shohin qartë situatën ekonomike përpara se t’i bëjnë një tjetër ofertë rinovimi Lionel Messi-t.
Mungesa e tifozëve përgjatë ndeshjeve të La Ligës, por edhe në ndeshjet e Ligës së Kampionëve, ka shkaktuar një dëm ekonomik në rreth 300-400 milionë euro. Kjo është dhe arsyeja se përse kërkohet huaja, në pamundësi për të përfituar nga biletat.
/Albanianpost.com