Këngëtarit Ismet Bogujevci sot iu dha lamtumira e fundit nga familjarët, miqtë dhe kolegët.
Makina që po e barte arkivolin e tij parakaloi në sheshet e Prishtinës derisa destinacion kishte Teatrin Kombëtar të Kosovës.
Aty u bënë homazhe pranë trupit të ikonës së muzikës popullore, e më pas i ndjeri u varros në varrezat e qytetit në Arbëri.
Vdekja e 69 vjeçarit erdhi papritur për familjarët që thanë se Bogujevci vdiq pas një intervenimi në zemër.