Qeveria e Serbisë ka miratuar konkluzionin sipas të cilit të punësuarve në Ministrinë e Brendshme të Serbisë (MUP), të cilët jetojnë në Kosovë, marrëdhënia e punës do t’u ndërpritet më 31 dhjetor, transmetojnë mediat serbe.
Në komunikatën e lëshuar pas mbledhjes së Qeverisë së Serbisë, theksohet se Qeveria ka angazhuar MUP-in që, me qëllim të zbatimit të Marrëveshjes së Brukselit, të rregullojë statusin e të punësuarve në MUP, të cilët jetojnë në Kosovë.
Të punësuarve në MUP, siç transmeton Koha.net, të cilët jetojnë në Kosovë, më 31 dhjetor do t’u ndërprite marrëdhënia e punës dhe atyre “do t’u “sigurohet e drejta në pension në shumën 60 për qind e rrogës së tyre mesatare të realizuar gjatë këtij viti”, thuhet në konkluzionin e Qeverisë së Serbisë.