-0.3 C
Prizren
E shtunë, 18 Janar, 2025

Filmi i Kaltrina Krasniqit fiton dy çmime në Venecia

Filmi i kosovares Kaltrina Krasniqi “Vera Dreams of the Sea” ka fituar çmimin “Premio per l’Inclusione Edipo Re” dhe çmimin “Female Authors Under 40” (Autoret gra nën 40 [vjet]) në Venecia nga asociacionet e regjisorëve dhe profesionistëve në Binealen e Venedikut.

“Për mënyrën se si ajo tregon përmes forcës së grave dhe marrëdhënien komplekse midis të vjetrës dhe të resë në një vend në rindërtim: fshatin dhe qytetin; patriarkalitetin dhe kërkesat e brezave të rinj. Regjia e saj e thur me saktësi dhe koherencë rrugën e një nëne dhe një vajze drejt aspiratës për drejtësi, duke sfiduar dhe bërë pyetje për të ardhmen e një shoqërie” u shpreh juria e çmimit “Autoret gra nën 40 [vjet]” me rastin e dhënies së çmimit.

Drejtoreshë e filmit është Kaltrina Krasniqi, skenariste Doruntina Basha, producent Shkumbin Istrefi derisa në role luajnë Astrit Kabashi, Teuta Ajdini, Alketa Sylaj, Refet Abazi, njofton Klan Kosova.

Vera, një grua e moshës së mesme, është një përkthyese e gjuhës së shenjave, e cila ka një jetë të strukturuar mirë: bashkëshorte e një gjykatësi të njohur, një nënë që jep mbështetje dhe një gjyshe e kujdesshme. Jeta e saj e qetë prishet nga vetëvrasja e burrit të saj dhe më pas ndiqet nga kërcënimet e burrave që pretendojnë se shtëpia e saj në fshat iu takon atyre.

Filmi është i zhanrit fiksion derisa titulli në origjinal është “Vera andërron detin”.

Më Shumë

Haradinaj: PO-ja e madhe e Rahovecit për Kosovën fituese na jep forcë mos me u ndalë

Kandidati për kryeministër nga Koalicioni për Kosovën Fituese, Ramush Haradinaj, u prit me entuziazëm të madh nga qytetarët e Rahovecit. “Kemi udhëtuar bashkë, në ditë...

Bora vështirëson qarkullimin drejt Prevallës, ekipet e pastrimit janë në terren

Banorë të trevës së Luginës së Lumëbardhit (Zhupës) në Prizren kanë shprehur shqetësimin lidhur me gjendjen e rrugëve pas reshjeve të fundit të borës. Sipas...

Lajmet e Fundit