Një grua u rrëzua për vdekje të dielën kur një urë lëvizëse në Florida u ngrit teksa ajo po ecte me biçikletën e saj, sipas policisë.
Gruaja, e cila nuk është identifikuar, ishte duke ecur nëpër urën Royal Park, rreth 10 metra larg nga fundi i urës kur u ngrit dhe ra në një hendek në rrugë, raportoi filiali i NBC ËPTV në Florida, njofton Klan Kosova.
Zëdhënësi i policisë, Mike Jachles, iu tha gazetarëve se gruaja u përpoq të rrinte në këmbë.
“Ishte një kalimtar i rastësishëm aty pranë që u përpoq ta ndihmonte, por tragjikisht ajo ra pesë ose gjashtë kate më poshtë ku vdiq, duke u përplasur në beton”.
Tani po zhvillohet një hetim për vdekjen e gruas dhe pse ura u ngrit kur kishte një këmbësor mbi të.
Si pasojë e këtij rasti tragjik, ura u mbyll për gati gjashtë orë.