Kryetari i Suharekës, Sali Asllanaj, ka emruar nënkryetarin dhe 10 drejtorë të Ekzekutivit. Ai tha se si kryetar ka përzgjedhur emrart më të mirë për të qeverisur Suharekën.
“ I kam zgjedhur më të mirët, dhe më punëtorët”, tha Asllanaj.
Nënkryetar i Komunës së Suharekës, është emruar Rexhep Kuçi.Ai është nënkryetar i Degës së LDK-së në Suharekë.Kuçi një kohë të gjatë ka qenë drejtor i Qendrës Rehabilituese “Handikos”.
Kuçi, ka një karrier të bujshme politike në LDK dhe një mandat ka qenë kryesues i Kuvendit të Komunës së Suharekës gjatë kohës kur ky subjekt politik ka udhëhequr komunën.
Prej 10 drejtorëve të emruar, sot kanë filluar punën vetëm shtatë prej tyre. Të tjerët nesër pritet të fillojnë punën e tyre. /PrizrenPress.com/