Një i mitur është arrestuar të matën rreth orës 20:13, në fshatin Zhur të Prizrenit, pasi dyshohet se ka therur me thikë një person, shkruan PrizrenPress
Sipas policisë, viktima ka pranuar trajtim mjekësor, ndërkaq i dyshuari është arrestuar dhe me vendim të prokurorit është dërguar në mbajtje.
“Fsh. Zhur, Prizren 06.09.2022 – 20:13. Viktima mashkull kosovar ka pësuar lëndime të rënda trupore pasi është goditur me thikë nga i dyshuari kosovar (i mitur) viktima është dërguar për trajtim mjekësor dhe sipas mjekëve ka pësuar lëndime të rënda, por është jashtë rrezikut për jetë. I dyshuari është arrestuar dhe me vendim të prokurorit është dërguar në mbajtje”, thuhet në raportin e policisë./ PrizrenPress.com