Juventus është në kërkim të një mbrojtësi të majtë. Alex Sandro nuk bind më dhe mbi të gjitha është në vitin e fundit të kontratës, teksa nuk do i ofrohet rinovimi.
Sipas “La Gazzetta dello Sport”, Juventus e ka gati një emër për merkaton e janarit. Bëhet fjalë për Alejandro Grimaldo-n e Benfica-s.
Bardhezinjtë do e kenë përballë Benfica-n në Champions League dhe aty do të kenë mundësinë për ta vëzhguar më mirë ish-lojtarin e akademisë së Barcelona-s.
Lojtari i datëlindjes 1996 është në vitin e fundit të kontratës me skuadrën portugeze dhe tarifa për transferimin e tij pritet të jetë e ulët.
/Albanianpost.com