Kryeministri i Kosovës Albin Kurti gjatë një vizite që ka bërë në një fabrikë këpucësh ka folur sërish për ligjin e pagave, saktësisht për koeficientin 105 euro.
Ai ka thënë se kjo është rritja më e madhe e pagave që ka ndodhur që nga pas lufta.
“Nga viti në vit ka pasur diku 20 deri në 25 milionë euro rritje të pagave, këtë vit kemi për 105 milionë euro rritje të pagave që është më e madhja që nga pas lufta”, ka thënë Kurti.
Sipas tij ky koeficienti prej 105 euro ka ngritur pagat në dy sektorë, siç ka thënë ai në arsim e shëndetësi.