Paraqitjet e ikonës së futbollit, Lionel Messit tanimë si lojtar i Inter Miami kanë tërhequr elitën e yjeve për t’i parë ndeshjet nga afër.
Megjithatë, është e sigurt të thuhet se asnjë lojë e vetme nuk tërhoqi një listë të të ftuarve si ajo për ndeshjen e Inter Miamit kundër Los Angeles FC (LAFC), që u zhvillua të dielën mbrëma të 3 shtatorit.
Princi Harry ishte ndër emrat e famshëm në tribunat në stadiumin BMO, pa e harruar ishte aktorin Leonardo DiCaprio, superyllin e LA Lakers, LeBron James (paraqitja e tij e dytë në një ndeshje të Messi-t), ylli i “Ted Lasso” Jason Sudeikis, ish-frontmeni i “Oasis”, Liam Gallagher, këngëtarja, Selena Gomez dhe disa emra të tjerë të mëdhenj.
Momentet e figurave publike gjatë përcjelljes së ndeshjes, janë bërë virale gjithandej në internet, shkruan Marca, transmeton AlbanianPost.
Madje, një prej më të bujshmeve shfaqi Gomez, duke mos mundur të përmbajë emocionet e saj kur Messi për pak sa nuk shënoi nga brenda zonës. Pikërisht poshtë Selenas, ishte rep artisti, Tyga.
Emra të tjerë të mëdhenj të pranishëm përfshijnë Leonardo DiCaprio, Tom Holland, James Harden dhe plot të tjerë.
Inter Miami arriti të fitojë, pavarësisht se Messi nuk shënoi. Megjithatë, ai asistoi Jordi Alban për golin e dytë të ndeshjes dhe gjeti Leonardo Campanan për të mbyllur fitoren 3-1.
Inter Miami mbetet i pamposhtur në të gjitha garat që nga ardhja e Messit, gjë që ka qenë një sensacion mediatik, i dëshmuar nga numri i të famshëmve të listës A që shprehen interesimin e tyre për t’i ndjekur ndeshjet.
Lista e plotë e të famshëmve të pranishëm në LAFC kundër Inter Miami
Aleman – Artist muzikor
King Bach – Komedian
BReal, Cypress Hill – Artist muzikor
Connie Briton – Aktore
Gerard Butler – Aktor
Jaime Camil – Aktor
Leonardo DiCaprio – Aktor
Tom Holland – Aktor
Tom Ellis – Aktor
Will Ferrell – Pronar/aktor i LAFC
Liam Gallagher – Artist muzikor
Selena Gomez – Aktore/artiste muzikore
Brendan Hunt – Aktor
LeBron James – Lojtar i La Lakers
Clayton Kershaw – Lojtar i Dodgers
Princi Harry dhe Meghan Markle – Familja mbretërore britanike
Magic Johnson – Pronar i LAFC
Mario Lopez – Aktor
Toby McGuire – Aktor
Nas – Artist muzikor
Ed Norton – Aktor
Glen Powell – Aktor
Rage Against The Machine – Artist muzikor
Rufus de Sol – Artist muzikor
Jason Sudeikis – Aktor
Tyga – Artist muzikor
Julio Urias – Lojtar i Dodgers Albanian Post