Reali i Madridit publikoi këtë të hënë fanellat e dyta për sezonin 2024/2025, që do të përdoren nga skuadra e Carlo Ancelottit në takimet jashtë fushe.
Me ndihmën e nënshkrimit të tyre të fundit Kylian Mbappe dhe Jude Bellingham, një prej “yjeve” të sezonit të kaluar, “Los Blancos” zbuluan fanellën e re. Me ngjyrë portokalli.
Klubi nga kryeqyteti spanjoll shpjegoi se “fanella është frymëzuar nga yjet që shfaqen natën mbi qiellin sipër Bernabeut.
Dizajni bazohet në idenë se, pavarësisht se ku luan skuadra, tifozët e Realit të Madridit janë gjithmonë të lidhur me yjet në qiell“./supersport.al