Ish-komandanti i UÇK-së, Zafir Berisha, së fundmi ka qenë i ftuar në emisionin “28 Nëntori me 28 çlirimtarë” në TV Arbëria, për nder të 112-vjetorit të pavarësisë së Shqipërisë.
“Për ne jeta ka qenë në rend të dytë, mbi të gjitha ka qenë liria me çdo çmim… Vetëm familja jonë nga viti 1981 deri 1993 ka qenë e bastisur diku 16 herë, pasi zona e fshatit tonë ka qenë si zonë kufitare me Shqipërinë. Andaj, veprimtarët e kohës kanë kaluar nga ne për të lëvizur mes Shqipërisë dhe Kosovës”, është shprehur Berisha.
Tutje, ai ka theksuar se pa mbështetjen e familjes nuk do kishin arritur t’i përballonin vështirësitë gjatë luftës.
“Kanë qenë kohë të vështira, por pa mbështetjen e prindërve ne nuk kemi mujt me bë asnjë hap. Përshembull, baba edhe pse ishte gurbetqar, kur vinte për pushime, i gjithë pushimi i shkonte duke i vizituar djemt nëpër burgje. Mirëpo, asnjëherë nuk na ka thënë mos vetëm kujdes”, ka thënë tutje Berisha.
Ndër të tjerash, ish-komandanti i UÇK-së ka treguar se në modhën 13 vjeçare ishte arrestuar nga policia serbe. Për më shumë mund të ndiqni intervistën në vazhdim:
Marketing
Përjetoni pushime të paharruar dhe dasma magjike në Hotel “Albes Residence”
