Sipas Institutit Hidrometeorologjik të Kosovës, fushat me presion të ulët atmosferik, do të vazhdojnë të kenë ndikimin edhe për dy ditët e ardhshme. Në këto kushte do të mbajë mot kryesisht i vranët. Vlerat e temperaturave minimale do të luhaten nga -6 gradë deri në -3gradë, ndërsa maksimalet e ditës nga -1 në O gradë celsius. Do të fryjë erë, nga ana e veriut dhe verilindjes.
Të martën priten reshje të dobëta dhe ngritje të lehta të temperaturave minimale, që do t’ju afrohen zeros, ndërsa maksimalet gjatë javës nuk do të kalojnë mbi 3 gradë.
Dita e mërkurë do të jetë me vranësira të dendura, të cilat të enjten kanë mundësi te sjellin reshje. E premtja dhe e shtuna do të jetë me reshje të dobëta, ndërsa të dielën prapë priten reshje te reja të një intensiteti ma të shtuar. Era do të fryjë nga lindja dhe juglindja, me shpejtësi te ndryshueshme.