Me 21 vota pro, asnjë kundër dhe asnjë abstenim, Kuvendi Komunal i Dragashit ka miratuar sot vendimin për ndryshimin e datës zyrtare të çlirimit të komunës.
Data e re e çlirimit do të jetë 12 qershori, duke zëvendësuar datën e mëparshme, 15 qershorin, njofton Klankosova.tv.
Vendimi u mor në përgjigje të kërkesave të qytetarëve dhe organizatave të dala nga lufta, të cilët e konsiderojnë 12 qershorin si ditën e vërtetë të çlirimit të Dragashit, në përputhje me hyrjen e trupave të NATO-s në Kosovë dhe përfundimin e luftës në vitin 1999.
