Nxënësit e Gjimnazit “Gjon Buzuku” në Prizren,frikësohen të shkojnë në shkollë,pasi që shtatëmbëdhjet kolegë të tyre janë prekur nga virusi “Parotit”.
Ata,pas dhënies së lajmit për përhapjen e kësaj sëmundje, të enjtën nuk kanë shkuar në shkollë.
Drejtori i Gjimnazit “Gjon Buzuku”,Shaip Buduri pranon se nxënësit janë kapluar nga paniku, pas prekjes së kolegëve të tyre nga “Parotit”-it .
“Prindërit dhe nxënësit nuk duhet të janë në panik për këtë çështje pasi që janë marrë të gjitha masat e nevojshme për parandalimin e përhapjes së virusit në bashkëpunim me ekipet mjekësore”,tha Buduri për TVPZ.
Disa nxënës të shkollave fillore dhe të mesme në Komunën e Prizrenit, janë prekur nga ‘Parotiti’, një sëmundje virale që përhapet nëpërmjet ajrit. Kjo sëmundje kërkon kujdes, si nga prindërit ashtu edhe nga stafi mësimdhënës. Infektologu, Beram Karanezi, thotë se nuk ka nevojë për panik, pasi gjendja është nën kontroll dhe po menaxhohet mjaft mirë.
Merret vesh se “Parotit”-i tashmë është përhapur edhe në SHMFU “Emin Duraku” dhe “Fadil Hisari”, atë të mesme teknike “11 Marsi” si dhe në Shkollën Ekonomike “Ymer Prizreni”.
Drejtori i Drejtorisë së Arsimit, Nexhat Çoçaj, thotë se janë marrë masat e nevojshme, janë konsultuar drejtorët e shkollave dhe mësimdhënësit, që të gjithë ato nxënës që shfaqin shenja të gripit, të lirohen nga mësimi për 10-të ditë, derisa ata të kenë kaluar këtë gjendje./PrizrenPress.com/