16.8 C
Prizren
E mërkurë, 5 Tetor, 2022

Malisheva dhe Suhareka shkëmbejnë përvojat në fushën e informimit

34Në kuadër të projektit të OSBE-së, zyra rajonale në Prizren, “Përmirësimi i transparencës lokal, përmes qasjes më të mirë në informatat publike”, sot është mbajtur takimi i parë, mes komunave të Malishevës dhe Suharekës, ku janë shkëmbyer përvojat e dy komunave, me qëllim të rritjes së transparencës në nivelin lokal.

Në këtë takim, kanë marrë pjesë, drejtori rajonal i OSBE-së, z.Ulrich Biffar, nënkryetarët e komunave të Malishevës dhe Suharekës, z.Rexhep Mazreku dhe Rexhep Kuçi, përfaqësuesit e KDI-së, zyrtarët tjerë komunal të dy komunave dhe zyrtar tjerë të OSBE-së.

Drejtori rajonal i OSBE-së, Ulrich Biffar, ka folur për rëndësinë e rritjes së transparencës së komunave dhe prezantimi i komunave në ueb faqet e tyre, përmes së cilës arrin të informohet opinioni i gjerë me punët dhe aktivitetet në komunë.

Edhe nënkryetarët e komunave të Suharekës dhe Malishevës, Kuçi e Mazreku, e vlerësuan rëndësinë e rritjes së transparencës, përmes shkëmbimit të përvojave mes komunave.

Naim Cahani nga Instituti Demokratik i Kosovës (KDI), që monitorojnë punën e Komunave dhe Kuvendeve Komunale, ka folu për transparencën në nivelin lokal dhe për ueb faqet e komunave, si një mekanizëm i rëndësishëm për prezantimin e komunave dhe lidhjen me opinion e gjerë, në mënyrë që qytetari të jetë i informuar dhe të ketë qasje të mjaftueshme në informata.

Pas këtyre prezantimeve, prezantimet e tyre i kanë bërë zyra për informim të dy komunave, ku është prezantuar mënyra e punës, publikimet dhe sfidat me të cilat ballafaqohen zyrat për informim. Ky prezantim është bërë në formë të debatit.

Më Shumë

Kurti: Rektori Statovci, figurë e jashtëzakonshme në kohën e duhur

Sot bëhen 25 vite nga protesta më e madhe studentore e vitit 1997, e organizuar nga Unioni i Pavarur i Studentëve të Universitetit të...

Malishevë/ Përkujtohet dr. Shpëtim Robaj në 24 vjetorin e rënies

Sot, në 24 vjetorin e rënies në altarin e lirisë, u përkujtua dëshmori dhe heroi i kombit, dr. Shpëtim Robaj. Në nderim të jetës dhe...

Lajmet e Fundit