Partia e Fatmir Limajt do të ketë së paku katër deputetë të Kuvendit të Kosovës dhe disa zyrtarë që më herët kanë qenë pjesë e Partisë Demokratike të Kosovës.
Pos Limajt e Krasniqit, edhe Hydajet Hyseni e Haxhi Shala do të jenë deputetët e Kuvendit të Kosovës që do të jenë pjesë e partisë më të re që do të themelohet në ditën e fundit të muajit shkurt.
Burime të Express kanë treguar se edhe ish-Kryetari i Degës së PDK’së, Xhevat Bislimi, Xhabir Morina e Bilall Sherifi do të jenë pjesë e Partisë së Limajt.
Ndërkohë, pjesëmarrjen në aktin e themelimit të Partisë së Limajt do të jetë edhe Kryetari i Bashkimit Demokratik për Prizrenin, Zafir Berisha.
Ai ka thënë se ka pirë kafe sot me Fatmir Limajn e Jakup Krasniqin, me të cilët është pajtuar që të jetë në të njëjtën listë zgjedhore në zgjedhjet e ardhshme nacionale.
“Deri tash isha me Jakupin dhe Fatmiin, me të cilët kemi pirë nga një kafe miqësore. Do të jem prezentë në promovimin e partisë së tyre që kanë me e ba të premten”, ka thënë Berisha, për Express, të mërkurën.
“Kjo është faza e mobilizimit të forcave progresiste çka mund të bëjmë për të rrëzuar Qeverinë aktuale”, ka shtuar ai.
Fatmir Limaj e Jakup Krasniqi pritet të themelojnë Partinë e re në të cilën kanë paralajmëruar se do të marrin edhe njerëz të tjerë të PDK’së dhe partive tjera.
Limaj në zgjedhjet e fundit ka fituar në Komunën e Malishevës me Iniciativën Qytetare