Fondi i filmit të Kosovës do të shfaqet për publikun e Shqipërisë në pranverë. Bëhet fjalë për disa filma artistik dhe dokumentar të dy kohëve para viteve 90 dhe krijime aktuale.
Drejtorja e arkivit të filmit Elvira Diamanti, siç transmeton abcnews, thotë se pas dixhitalizimit të fondit të parë filmik nga specialistët e AQSHF ka ardhur koha që kjo kinema të jetë më prezente në Shqipëri.
Diamanti vlerëson kryesisht kinemanë e ditëve të sotme të Kosovës, e cila, sipas saj, po përfaqësohet mjaft mirë në festivale ndërkombëtare.
Synimi i bashkëpunimit të dy arkivave ka dhe një ëndërr që, sipas Diamantit, nuk do jetë e largët hapja e laboratorit të restaurimit filmit.
Muaji maj në arkivin e filmit është konceptuar si një festë e kinemasë kosovare, ku do të projektohen filmat e panjohur për publikun në Shqipëri, artistik dhe dokumentar si dhe krijimet më të fundit, por nuk do të mungojnë edhe kineastët dhe krijuesit e këtyre produksioneve.