Kryeministri e ka përjashtuar një koalicion parazgjedhorë, duke thënë se koalicionin do ta lidh si një fituese e zgjedhjeve, duke mos përjashtuar asnjë parti e djathta për koalicion.
“Nuk ka datë të caktuar për zgjedhjet, por ka një orientim dhe një gatishmëri për tu ulur dhe për të diskutuar një agjendë të përbashkët”, tha Thaçi, duke folur për datën e zgjedhjeve.
Duke komentuar vendimin e liderit të AAK-së, për ta rrëzuar Qeverinë, Thaçi tha se: “jam takuar me Haradinajn, dhe është e drejtë e çdo subjekti politik, edhe sa i përket peticionit. Unë këto opinione i vlerësoi dhe i respektoj dhe janë në kornizë të demokracisë”, tha Thaçi.
Ai foli edhe për protestën e paralajmëruar për ta rrëzuar atë, ku tha se ai sheh dispononim e qytetarëve edhe për një mandat të përbashkët.
“Nga ajo që shoh, deponimi i qytetarëve është që të vazhdohet edhe për mandatin e tretë.”, tha Kryeministri.
Duke e përgjigjur se si e gjejnë këto zgjedhje partin e tij, Thaçi tha se ata janë të gatshëm. Kryeministri tha se përkundër largimit të Jakup Krasniqit e Fatmir Limës, PDK prapë do të jetë fituese.
“Unë do të kërkojë nga PDK që të më dominojnë për Kryeministër”, tha Thaçi, duke komentuar se a do të dominohet për mandatin e dytë të Kryeministrit, duke e arsyetuar se “ndiej obligim për zhvillimin ekonomik në vend”.
Në listat e PDK-se për deputet,” Nuk do të ketë njerëz me probleme me drejtësinë, por do të ketë njerëz të respektuar për komunitetin”.
“Brukseli padrejtësisht është vonuar për Kosovën. Është mirë që Lunacek e Fajon u deklaruan qartë se Kosova meriton liberalizmin e vizave. E ritheksoj se Brukseli është vonuar sepse ne i kemi përmbushur obligimet”, tha Kryeministri duke folur për datën e zgjedhjeve, tranmseton Indeksonline.
Kryeministri i Kosovës, Hashim Thaçi e ka përsëritur se nga muaji prill, do të bëhet rritja e rrogave. Ai tha se do të bëhet rritja për 84mijë
“Tash në vitin e 7 të qeverisjes, gjatë kësaj periudhe kemi rrit dy herë pagat. Dhe tani do të jetë rritja tjetër. Definitivisht vendimi zyrtarë do të jetë të hënën. Ekspertët vendor e ndërkombëtarë janë duke finalizuar vendimin dhe nuk dua të spekuloj rreth kësaj. Është e sigurt se 82 mijë punëtor dhe dy mijë minatorë tani, do të ketë rritje të pagave”, tha i pari i Qeverisë, duke thënë se ky vendim nuk është i lehtë.
Një gjë është e sigurt do të gëzojnë të drejtën rritjen e pagave. Nga muaji prill, do të filloj rritja.
Duke demantuar ekspertët e ekonomisë se s’ka para për rritje të rrogave, Thaçi tha se ka para për të rritur rroga, vetëm se duhet të menaxhohen.
“Zotohem se për mandatin e tretë, rritja do të jetë 100%”, tha pos tjerash Thaçi për RTV21.
“Jem i bindur dhe po përgatitemi me ekspert, që për mandatin e tretë të ndodhë rritja, pra cdo vit me nga 25% të rritjes. Është edhe mundësia e rritjes 50% plus 50%”, tha Kryeministri.
Madje, kryeministri tha se po realizon më shumë se që kishte premtuar.
Thaçi ka thënë se vendimi për rritjen e pagave nuk ka qenë elektoral, dhe kjo e tregon edhe rritja për 50% që e ka bërë në fillim të këtij mandati.
“Sa i përket zhurmës elektorale, nuk e kam krijuar unë, por ata që pretendojnë që është vendim elektorale. Nuk është vendim elektoral, por është vendim i duhur.
Kryeministri kujton se nga viti 2000-2007, nuk ka bërë asnjë qeveri rritje.
Lidhur me 20%, Kryeministri tha se “ ato janë mjete të punëtorëve dhe atyre do tu takojnë”. Ai tha se nuk ka hapësirë për dyshime, dhe janë vendime të marr me vend.