Në Bukuresht të Rumanisë është hapur ekspozita personale e grafikave të Shyqri Nimanit dhe ekspozita personale e fotografive të Hazir Rekës.
Me organizim të shoqatës së miqësisë Kosovë-Rumani “Dora D’Distria”, për tri ditë do të organizohen aktivitete të shumta kulturore në Bukuresht e Krajovë të Rumanisë.
Këto dy ekspozita të hapura në Bukuresht, u vizituan edhe nga grupi prej tetë deputetëve nga Kosova, të cilët ishin të pranishëm edhe në ceremoninë hapëse, për të vazhduar pastaj me takime tjera ndërshtetërore.
Grupi i artistëve dhe i anëtarëve të shoqatës “Dora D’Istria”, të mërkurën do të përcjell për së afërmi edhe ndeshjen e Ballkan-ligës në basketboll, mes ekipit vendas Krajova dhe Sigal Prishtinës.
Në Krajovë gjatë ditës, poashtu do të hapet e njëjta ekspozitë e autorëve Shyqri Nimani dhe Hazir Reka.
Të enjten në Bukuresht organizohet tryeza “Çka na bashkon?” në të cilën do të marrin pjesë 6 personalitete nga Kosova dhe 3 nga Rumania.