Ish- nënkryetari i Komunës së Prizrenit, Ruzhdi Rexha ka dhënë dorëheqje nga të gjitha funksionet e PDK-së.
“Dëshiroj që personalisht t’ju informoj që prej sot kam dhënë dorëheqje të parevokueshme nga të gjitha pozicionet dhe përgjegjësit që i kam pasur në Partinë Demokratike të Kosovës”, ka thënë Rexha.
“PDK-në e shihja si mundësi për arritjen e shumë aspiratave dhe qëllimeve që i kam pasur unë dhe që i ka pasur edhe qytetari i Prizrenit”.
“Por sot me 17 mars, pas shumë analizave të bëra nga ana ime personale, ju njoftoj se jap dorëheqje të parevokueshme si anëtar i Këshillit Drejtues në Prizren, si nënkryetar i Degës dhe si anëtar i PDK-së”.
“Arsyet janë të shumta që e kam marr këtë vendim, por thjeshtë nuk mund të pajtohem me qëndrimin e subjektit politikë ndaj ngjarjeve të fundit që ndodhën në qytetin e Prizrenit”.
“Anëtarësinë e PDK-së e falënderoj shumë për përkrahjen dhe besimin e dhënë deri më tani”.
Rexha tha se dorëheqjen ia ka dërguar kryetarit të PDK-së Hashim Thaçit, nënkryetarit të PDK-së Hajredin Kuqit si dhe Degës së PDK-së në Prizren. /PrizrenPress.com/