Lidhja Demokratike e Kosovës dhe Aleanca për Ardhmërinë e Kosovës nuk e përjashtojnë njëra-tjetrën nga një koalicion paszgjedhor, por të dyja e synojnë postin e kryeministrit, shkruan sot “Koha Ditore”.
Eksponentë të Lidhjes Demokratike të Dardanisë, një subjekt që është futur në koalicion parazgjedhor me AAK-në, e që ishte shkëputur më herët nga LDK-ja, thonë se e rëndësishme është që këto dy subjekte të afrohen dhe të gjejnë gjuhë të përbashkët.
Anëtari i Kryesisë së LDK-së, Arben Gashi, ka thënë të dielën se ato që i ka dëgjuar nga lideri i AAK-së, Ramush Haradinaj, dhe lideri i LDD-së, këtyre ditëve për ndarjen e posteve, i janë dukur absurde.
Sekretari i përgjithshëm i AAK-së, Burim Ramadani, ka thënë të dielën se subjekti i tij nuk e sheh veten në qeverisje pa Ramush Haradinajn kryeministër