Ish-kryetarja e Forumit të Gruas së LDK-së, Femije Gashi së bashku me 30 gra të tjera iu kanë bashkuar Forumit të Gruas së Nismës për Kosovën në Prizren.
Koordinatori i Nismës, Sejdullah Hoxha dhe kryetarja e Forumit te Gruas të këtij subjekti politik në Prizren, Albulena Halimaj, kanë mirëpritur aderimin e këtyre grave në Nismë.
“Ne mirëpresim anëtarësimin Femije Gashi dhe anëtareve tjera në Forumin e Gruas së Nismes për Kosovën Dega ne Prizren, duke i falënderuar njëkohësisht që kanë zgjedhur vizionin dhe programin e Nismes”,tha Halimaj.
Ajo tha se shumica e grave të tjera, që kanë kaluarë në Forumin e Gruas së Nismës, kanë qenë pjesë e Forumit të Gruas së LDK-së.
“Ky është edhe një tregues i qartë se fryma e Nismës ka filluar të shpërndahet dhe përqafohet gjërësisht kudo në Kosovë e sidomos në qytetin e Prizrenit”.
“Dyert e Nismës do të jenë të hapura për të gjithë”./PrizrenPress.com/