Lidhja Demokratike e Kosovës(LDK) në Prizren ka sqaruar se Femije Gashi, e cila ka kaluar në Nismë nuk ka qenë kryetare e Forumit të Gruas së LDK-së.
“Pas publikimit në media të lajmit, kinse ish kryetarja e Forumit të Gruas së LDK-së në Prizren ka kaluar në “Nisma”, me qëllim të sqarimit të opinionit në funksion të mirë informimit, Dega e LDK-së në Prizren jep këtë sqarim të shkurtër”, thuhet në sqarimin e LDK-së në Prizren.
“Zonja në fjalë asnjëherë në asnjërën fazë të ekzistimit dhe funksionimit të Forumit të Gruas së Lidhjes Demokratike të Kosovës nuk ka qenë kryetare e Forumit të Gruas së LDK-së në Prizren.Dega e Lidhjes Demokratike të Kosovës në Prizren respekton vullnetin e lire te secilit qytetar për të vepruar brenda secilës strukturë politike “.
“Subjektit politik NISMA, në rrugën që ka nisë i urojmë vetëm suksese”.
Anëtarja e re e Nismës për Kosovën, Femije Gashi, ka pranuar se nuk ka qenë kryetare e FG të LDK-së në Prizren. “Kam qenë anëtare e Forumit të Gruas së LDK-së, e jo kryetare.Sigurisht është bërë ndonjë lëshim”, tha Gashi për PrizrenPress.