Pas aderimeve të reja të shoqërisë civile të cilët i janë bashkuar kryeministrit Hashim Thaçi, po sot, burime të Indeksonline mësojnë se kreu i PDK-së ka pas një takim edhe gazetarin e emisionit “Pa Rrotlla” , Milaim Zeka.
Ky i fundit në një prononcim për Indeksonline nuk ka mohuar e as pohuar një takim të tillë.
Zeka ka thënë se, nuk dëshiron të deklarohet për punët e tij private, por që sipas tij, është në kuadër të profesioni për t’u takuar me njerëzit e politikës.
“Që 16 vjet kam pas oferta, por unë nuk hy në parti politike, nuk kam qejf të jem pjesë e këtyre prurjeve, as mendja nuk më shkon”, është shprehur ai.
Gazetari Zeka duke komentuar “transferimet” e reja politike, përgjigja e tij për shoqëria civile ka qenë tejet e vrazhdë, duke i quajtur edhe kriminale.
“Shoqëria që po bashkohen po e dëshmon thënien time. Kam thënë qe nja 12 vjet që shoqëria civile është shumë më kriminale dhe është me e korruptuar se Qeviera dhe opozita” , tha në fund Zeka.