Policia e Kosovës ka arrestuar I.L dhe SH.C, si të dyshuar për trafikimin me qenie njerëzore. Sipas hetimeve fillestare dyshohet se ata nën përdorim të forcës dhe kërcënimit, e kanë detyruar viktimën të ushtrojë prostitucion, në një kafiteri në Prizren.
Arrestimi i tyre u bë nga Drejtoria për Hetimin e Trafikimit me Qenie Njerëzore (DHTQNJ) dhe bëhet fjalë për I. L. nga Prizreni dhe Sh. C. nga Dragashi.
Viktimës i është ofruar ndihma mjekësore, ku e njëjta është strehuar në shtëpinë e sigurt.
Lidhur me rastin është njoftuar Prokuroria Themelore në Prizren, ku për të dyshuarit është shqiptuar masa e ndalimit policor prej 48 orëve.