Kryetari i Nismës për Kosovën, Fatmir Limaj dhe kryetari i Bashkimit Demokratik, Zafir Berisha,do të mbajnë sot një tubim të përbashkët në Prizren.
Ata në këtë takim do t’i bashkëredojnë aktivitetet e tyre politike në pragë të fushatës zgjedhore.
“NISMA për Kosovën do të mbaj një takim pune të përbashkët ndërmjet strukturave të NISMA për Kosovën dhe Bashkimit demokratik (BD), për bashkërendimin e aktiviteteve në pragë të fushatës zgjedhore”, njofton Zyra për Informim e Nismës dhe Bashkimit Demokratik në Prizren.
“Në këtë takim do të marrin pjesë, Kryetari i Kryesisë së NISMA për Kosovën, Fatmir Limaj, kryetari i Këshillit kombëtar të NISMA për Kosovën, Jakup Krasniqi dhe Kryetari i Bashkimit Demokratik, Zafir Berisha”.
Kryetari i Nismës për Kosovën, Fatmir Limaj dhe kryetari i Bashkimit Demokratik, Zafir Berisha, kanë paralajmëruar disa herë se bashkarisht do të garojnë në zgjedhjet parlamentare, që pritet të mbahen këtë vit.
“Takimi i përbashkët do të mbahet me datë 28.04.2014 (e hënë), në ora 19:00, në ambientet e Hotel Theranda, në Prizren”. /PrizrenPress.com/