Aktori Julian Deda, i cili tashmë është një ndër emrat më të vlerësuar nga publiku, ka reaguar negativisht ndaj Big Brother, duke e cilësuar si një humbje kohe. Me anë të një postimi në rrjetin social Facebook, vetëm pak orë pasi kishte startuar spektakli, Julian Deda shprehet mjaft i indinjuar.
“Si mund ta humbasin kohën disa, duke parë BB..! O njerëz është humbje kohe, diçka që nuk të vlen për asgjë, thjesht një thashethem i madh injorant..! Koha është flori, bëj diçka më të vlefshme, në vend që ta infektosh memorjen me viruse”, përfundon mesazhin ai.
Julian Deda numëron me dhjetëra personazhe, e ndërsa në çdo prezantim të tij në skenë nuk i kursehen duartrokitjet.