Një foto e postuar në Instagram ka vendosur në qendër të kritikave 13-vjeçaren Willow Smith, vajzën e Will dhe Jada Pinkett-Smith.
13-vjeçarja, aktore dhe këngëtare, shoqërohet në foton bardhezi nga aktori 20-vjeçar, Moises Arias, i bërë i famshëm për rolin e tij si Rico në filmin e Disney, “Hannah Montana”.
20-vjeçari gjysmë i zhveshur qëndron mbështetur pas murit, ndërsa Willow e shtrirë dhe me kokën mbështetur në njërën dorë.
Fotoja cilësohet si e tepërt për moshën që ka vajza e Will dhe Jada Smith. Por kjo nuk është hera e parë që Willow vendoset në qendër të kritikave për sjelljet e saj prej “të rriture para kohe”.
Më herët ajo është kritikuar për veshjet dhe për tekstet e muzikës së saj, të cilësuara si të papërshtatëshme për moshën që ka.