Nata finale e Eurovizionit zhvillohet sonte në Kopenhagën. Këngëtarë nga 26 vende do të interpretojnë në skenën e kryeqytetit danez.
Interesim të posaçëm në garën e sivjetme kanë zgjuar përfaqësueset e Ukrainës dhe të Rusisë, për shkak të tensioneve politike midis dy vendeve.
Të dyja shtetet kanë arritur të kapin finalen. Festivali evropian i këngës sivjet shënon vitin e 59-të.
Përfaqësuesja shqiptare Hersi Matmuja interpretoi këngën “One Night’s Anger”, një kompozim i Genti Lakos, por nuk arriti të kualifikohej për në natën finale.