Kaq u është dashur bastexhinjve për të vendosur edhe kuota në lidhje me partnerin e ardhshëm të bukuroshes çeke.
“Në një moment shumë delikat ish-bashkëshortja ime u tregua grua me një dinjitet të pabesueshëm. I dha prioritet dashurisë për familjen dhe fëmijët, jo egon e saj. Për këtë do t’i them gjithmonë faleminderit”. Pak fjalë të Gigi Buffon, për të konfirmuar faktin e shkurorëzimit, tashmë edhe me gjyq, nga Alena Seredova.
Mirëpo kaq u është dashur bastexhinjve për të vendosur edhe kuota në lidhje me partnerin e ardhshëm të bukuroshes çeke, Seredova. Në krye të të gjithëve qëndron një tjetër futbollist, si juventini Osvaldo, i shikuar si favorit (koeficienti 7.00). Më pas vijnë Francesco Arca (8.00), Andrea Pirlo (10.00), apo edhe zëvendësi i Buffon-it te Juve, Storari (12). Ndërkohë që nuk mbeten prapa as Raul Bova (15.00), si dhe Lapo Elkan (30.00). Mirëpo ja që në listë është edhe një Mario Baloteli (koeficienti 50.00), i cili pavarësisht se ka “famë” me femrat, konsiderohet si më i pamunduri për t’u lidhur me Serdovan. Po kushedi ç’ndodh. Kurrë nuk thuhet kurrë!