Rezultati i zgjedhjeve tanimë është thuajse i qartë sa u përket partive politike. Në masën 99% dihet se cila parti sa vende ka arritur t’i marrë në Kuvendin e Kosovës, i dalë nga zgjedhjet e 8 qershorit.
Gara, tani është dislokuar brenda subjekteve politike, se kush kandidat do të arrijë të hyjë në kuvend.
Ismet Kryeziu, drejtor ekzekutiv në Institutin Demokratik të Kosovës, jep një shpjegim orientues duke u bazuar në zgjedhjet e kaluara.
Sipas tij, kandidatët për deputet nga subjekte të ndryshme janë të interesuar për votat e tyre personale, për të kuptuar a e kanë fituar mandatin e deputetit, apo jo dhe se sa vota u duhen me hy në Parlament, transmeton reporteri.
“Po i përmend disa trende nga zgjedhjet parlamentare në vitet paraprake dhe pse këto nuk munden me qenë tregues i saktë, por munden me qenë trend orientues.
Për të qenë deputet në Parlamentin e Kosovës në zgjedhjet parlamentare janë dashur psh: PDK – mbi 10.000 vota për meshkuj dhe mbi 5.000 vota për femra; LDK – mbi 7.000 vota për meshkuj dhe mbi 5.500 për femra; VV – mbi 6.500 vota për meshkuj dhe mbi 3.000 vota për femra; AAK – mbi 6.500 vota për meshkuj dhe mbi 3.000 vota për femra”, ka shkruar Kryeziu në Facebook.