21.8 C
Prizren
E shtunë, 22 Qershor, 2024

AGK arrinë në parim marrëveshje bashkëpunimi me GIZ

AGPK-logoAsociacioni i Gazetarëve të Kosovës ka arritur në parim një marrëveshje bashkëpunimi afatgjate me organizatën gjermane për kooperim ndërkombëtar GIZ.

“Marrëveshja ka për qëllim mbështetjen e komunitetit të gazetarëve, inkurajimin e tyre për kultivimin e gazetarisë profesionale hulumtuese në fushën e arsimit themelor dhe promovimin e punës së gazetarëve të arsimit për periudhën e ardhshme 4-vjeçare përkatësisht deri në vitin 2018.

Kjo u bë e mundur gjatë takimit të një delegacioni të Bordit të AGK-së me përfaqësuesit e GIZ-it në Kosovë.

Në kuadër të këtij bashkëpunimi, së shpejti pritet të nënshkruhet marrëveshja për ndarjen e çmimeve vjetore për gazetari hulumtuese në fushën e arsimit fillor për mediet e shkruara dhe portalet.

Marrëveshja pritet të nënshkruhet në kuadër të programit për zhvillimin e kapaciteteve në sektorin e arsimit themelor në Kosovë.

Po ashtu gjatë këtij viti, pritet që për herë të parë, të hapet një konkurs për ndarjen e çmimeve për dokumentarët më të mirë televizivë dhe radiofonikë për fushën e arsimit fillor.

Për informacione të tjera si dhe kushtet e aplikimit do të njoftoheni në kohë”, njofton AGK. /PrizrenPress.com/

Më Shumë

36 vite nga vdekja e aktores së shquar shqiptare, Marie Logoreci

Marie Logoreci ishte aktore shqiptare e teatrit dhe filmit, pioniere e kinematografisë shqiptare. Paraqitja për herë të parë në film ishte tek Skënderbeu, më...

Vendlindja e përkujton Bekim Fehmiun

  Në Prizren u nderua jeta dhe vepra e Bekim Fehmiut, aktorit të shquar shqiptar, në 14-vjetorin e vdekjes së tij. Në këtë ngjarje, miqtë, dashamirët,...

Lajmet e Fundit