Pas përmirësimit të kushteve atmosferike, sot vazhdohet me fushatën e spërkatjes kundër rriqrave. Gjatë paradites së sotme, do të përfundoj spërkatja selektive në Mirushë dhe do të vazhdohet me spërkatjen në Llapqevë. Kështu ka njoftuar sot, drejtori për Mbrojtje dhe Shpëtim, Ahmet Morina.
“Kushtet atmosferike e kanë ndërprerë për disa ditë fushatën e spërkatjes së zonave endemike, por me ndërprerjen e shirave, sot vazhdon kjo fushatë e spërkatjes”, ka bërë të ditur Morina.
Spërkatja selektive e zonave endemike, bëhet në kuadër të luftimit dhe parandalimit të etheve hemorragjike krime kongo (EHKK), ndërsa rriqrat janë bartësit kryesor të këtij virusi. /PrizrenPress.com/