Situata epidemiologjike me ethet hemorragjike krime kongo (EHKK), aktualisht është e qetë dhe nën kontroll. Kështu u bë e ditur sot në mbledhjen e rregullt të këshillit të drejtorëve në Malishevë.
“Gjendja me EHKK, aktualisht është e qetë dhe nga tri rastet e deritanishme të konfirmuara si pozitive, gjendja e tyre është e mirë, ku dy prej tyre tashmë janë në shtëpi dhe një tjetër në përfundim të trajtimit mjekësore dhe në gjendje shumë të mirë”, tha drejtori për shëndetësi, Hajdin Berisha.
Ndërsa drejtori për mbrojtje dhe shpëtim, Ahmet Morina, tha se “po vazhdon spërkatja kundër rriqrave, si dhe spërkatja e stallave, ku deri më tani janë dezinfektuar mbi 250 stalla”. /PrizrenPress.com/