Rita Ora ka krijuar një lloj varësie nga rrjetet sociale, aq sa e ka krahasuar me drogën. Gjatë një interviste të dhënë së fundmi, këngëtarja është shprehur se sapo çohet në mëngjes, ajo menjëherë merr celularin dhe bëhet aktive me Instagram-in dhe Twitter-in.
Sipas saj, kjo gjë për momentin ështe e pashmangshme, pasi e ka të pamundur që të rijë larg komenteve të fansave të saj. “Sapo zgjohem, shikoj me një sy hapur. Është si drogë”, ka thënë 23-vjeçarja për revistën “Flare”.
Rita Ora është ndalur edhe në karrierën e saj, duke thënë se është frymëzuar nga Beyonce. “Beyonce e krijoi bazën e saj duke nisur nga e para. Mendoj se ajo është karriera që do secila artiste femër”, ka thënë më tej ajo.