Kryetari i Komunës së Malishevës, Ragip Begaj, ka pritur sot në zyrën e tij komandantin e KFOR-it turk, kolonelin Zorlu Topaloglu, me të cilin biseduan për çështje të ndryshme, që lidhen me sigurinë përgjithshme në Malishevë dhe për bashkëpunimin e institucionit të Komunës me KFOR-in dhe njësinë e LMT-së në Malishevë.
Begaj e ka falënderuar komandantin turk, kolonelin Topalo?lu, për vizitën e tij dhe për bashkëpunimin e mirë mes KFOR-it dhe Komunës, si dhe me bashkëpunimin e mirët ë njësisë së LMT-së zvicerane në Malishevë, bashkëpunim i cili u vlerësua lartë nga Begaj dhe koloneli Topaloglu.
Komandanti turk i interesua për disa çështje që lidhen me sigurinë e përgjithshme, ndërsa sipas kryetarit Begaj, pavarësisht problemeve socio-ekonomike që janë në Malishevë, siguria është në nivel të mirë, me një situatë të qetë dhe stabile, dhe kjo situatë ka qenë në vazhdimësi që nga përfundimi i luftës.
Sa i përket protestave të fshatit Bubavec, lidhur me privatizimin e pronave, Begaj, e sqaroi kolonelin Topaloglu, se ky është një proces jo i mirë, pasi qytetarëve, padrejtësisht ju janë marrë pronat nga ish sistemi dhe sot prapë padrejtësisht privatizohen ato prona.
Begaj e Topaloglu, kanë biseduar edhe për çështje tjera dhe për vazhdimin e bashkëpunimit të ndërsjellë mes KFOR-it dhe komunës. /PrizrenPress.com/