Qeni ka bërë milionerë një çift nga Shtetet e Bashkuara të Amerikës, pasi ai ka gjetur në oborrin e shtëpisë një thesar me monedha ari. Çifti nga Kalifornia (SHBA) ka siguruar disa miliona dollarë pas nxjerrjes në ankand të monedhave të arit.
Ky thesar konsiderohet si më i madhi i gjetur ndonjëherë në Shtetet e Bashkuara. Në fillim të muajit mars, qeni në kopshtin e shtëpisë ka gjetur të fshehur tetë kuti metali, në të cilat ishin 1400 monedha ari, vlera e përgjithshme e të cilave llogaritej në 10 milionë dollarë.
Të mërkurën, 24 orë pas fillimit të ankandit, çifti ka fituar disa miliona dollarë, ka treguar Don Kagin nga kabineti “Kagin’s Inc”, i specializuar në numizmatikë.
Ai ka treguar se deri të mërkurën pasdite ka mbetur pa u shitur edhe gjysma e thesarit, prandaj milionat do të shtohen. Duhet treguar se monedha e parë, një monedhë 20-dollarëshe, e cila daton nga viti 1874, është shitur mbi 15.000 dollarë, dhe paratë janë dhënë menjëherë.