Nga një rrebesh i madh shiu i shoqëruar me rrufe, ka humbur jetën pasditen e sotme A. Cengaj, 38 vjeç, nga komuna e Dragashit.
I ndjeri kishte dalë bashkë nga stanet e Pllajnikut, me disa bashkëfshatarë të tij të kërkonte të vëllanë, Enver Vahid Cengajn, që ishte larguar nga shtëpia me datën 30 korrik.
Trupi i viktimës është dërguar pa shenja jete në QKMF në Dragash, ndërsa vëllai i tij, Enveri vazhdon të jetë i zhdukur.
Për herë të fundit, Enveri është parë rreth orës 12 e 30 tek pika e derivateve ””Qendra Petrol””, Livadhi i Cucës. Enveri ishte me të meta psikike dhe po kërkohej nga familjarët që nga data 30 korrik, bën të ditur policia rajonale e Prizrenit.